يا رب

يا ربي..
مال الحياة صبحت عليا عبء تقيل
بمشي و روحي محنية
كأني عجوز
ملّ النهار و الليل
والدنيا تحدف عليا:
مرة خسيس ....
و مرة خاين .....
و مرة شخص رزيل ...
احترت في حكمتك يا رب ..
ازاي تمزج الحسّاس
مع المحروم من كل حسّ جميل؟؟؟
*******************
يا رب...
مال الضباب ملو الطريق
ومركبي تايه غريق
مال الامور متأزمة
والسكة سودة و مضلمة..
والايمان غلّت اياديه سلاسل كفر..
والنتيجة فقلبي.. صفر صفر..
مالي انا
اصبحت وكأني مش أنا
وكأن ايامي اللي فاتت كلها كانت..
حلم شافه واحد غيري انا
********************
يا رب..لو بتحبني زي ما بحبك..
الحقني قبل ما اصبح حكاية
وكلمة تتقال باستهانة